اسلام آباد۔30مئی (اے پی پی) وزیراعظم عمران خان آکھیا جو اپوزیشن کہیں نظریے سانڳے نی بلکہ آپݨی کرپشن بچاوݨ سانڳے کٹھی ??ھئی اے، آپݨے خلاف کرپشن دے مقدمے ختم کراوݨ سانڳے بلیک میل کریندے پئن، انہاں دا خیال ہئی جو حکومت ایں معاشی بحران توں کائنا نکل سڳسی جیڑھی ??ے چھوڑ تے ڳئے اتے بڈ ویسی، اساں اوکھے ویلھے توں نکل آیوں، سارے اقتصادی اشاریے مثبت نشاندہی کریندے پئن، ملک معاشی ??ور اڳوں ودھدا پئے، اے ڳالھیں انہاں اتوار کوں ”آپ کا وزیراعظم آپ کے ساتھ“ پروگرام اچ شہریاں ولوں ٹیلی فون تے پچھے ڳئے سوالاں دا جواب ݙیندیں ہوئیں آکھی۔ وزیراعظم آکھیا جو حکومت سنبھالی تاں ملک کوں اوکھی ??ورتحال دا سامݨا ہئی، حکومت کوں اتنا وݙا خسارہ کائنا ہئی جتنا قرضے دا بوجھ ورثے اچ ملیا ہئی، اساکوں ملک وی چلاوݨا ہئی اتے قرضے دی قسطاں وی ݙیوݨی ہن، میں پہلے ݙینھ ای قوم کوں آکھیا ہئی جو اساکوں اوکھی ??ورتحال توں گزرݨا پمسی کیونجو اساں دیوالیہ تھیوݨ آلے ہاسے۔ وزیراعظم آکھیا جو اپوزیشن کوں چار فیصد گروتھ ریٹ دی کوئی امید کائنا ہئی، آزاد ماہرین دا خیال اے جو اے چار فیصد توں وی اتے ویسے۔ وزیراعظم آکھیا جو مہان??،ب?? روزگاری عام بندے دی ݙو وݙی اوکھ اے، معیشت ٹر پئی اے، صنعتاں ترقی کریندیاں پئن، ایں نال غریبی گھٹ تھیسی اتے روزگار دے موقع ملسن۔ ہک سوال دے جو??ب اچ وزیراعظم آکھیا جو بھارت نال تعلقات کوں اوں ویلھے تئیں معمول تے نی آندا ونڄ ??ڳد?? جڈاں تئیں بھارت پنڄ اگست دے آپݨے اقدام کوں واپسی نی ڳھندا۔ اگر اساں کشمیر کوں نظر انداز کر تے بھارت نال تعلقات معمول تے گھن امدوں تاں اے کشمیر دی عوام نال ٻہوں وݙی غداری ہوسی۔ انہاں آکھیا جو فلسطین دے مسئلے دا حل فلسطینیاں کوں انہاں دا حق ݙیوݨ ات ݙو ریاستاں بݨاوݨ اے۔
وزیراعظم عمران خان دا ”آپ کا وزیراعظم آپ کے ساتھ“ پروگرام اچ شہریاں ولوں ٹیلی فون تے پچھے ڳئے سوالاں دا جواب
مضمون کا ماخذ : بفیلو بلٹز
متعلقہ مضامین
