اسلام آباد ۔ 5 جون (اے پی پی) نگران وفاقی کابینہ حلف چا گھدا ۔صدر مملکت ممنون حسین 6 نگران وفاقی وزیراں توں ا??ہاں دے عہدے دا حلف گھدا ۔ایں سلسلے اچ تقریب منگل کوں ایوان صدر اچ تھی جیں اچ نگران وزیراعظم ناصر الملک وی موجود ہن ۔ حلف چاونڑ آلے نگران وزیراں اچ عبداللہ حسین ہارون ، محمد اعظم خان ، ڈاکٹر شمشاد اختر ، سید علی ظفر ، محمد یوسف شیخ اتے مسز روشن خورشید بروچہ شامل ہن۔تقریب دا باقاعدہ آغاز قرآن پاک دی تلاوت نال تھیا۔ ایں موقع تے قومی ترانہ وجایا گیا ۔ تقریب اچ سینئر حکام شرکت کیتی۔ وزیراں دے محکمے دا اعلان بعد اچ کیتا ویسی ۔ صدر مملکت ممنون حسین حلف برداری دے بعد نویں نگران وزیراں کوں مبارخ ڈیندے ہوئیں ا??ہاں سانگے نیک خواہشات دا اظہار کیتا ۔انہاں آکھیا جو اللہ سئیں ا??ہاں کوںپاکستان دی خدمت کرنڑ دی توفیق عطا فرماوے ۔صدر مملکت نال نگران وزیر اعظم جسٹس (ر) ناصر الملک اتے کابینہ دے ارکان ملاقات کیتی ۔ ایں موقع تے ان??اں نگران کابینہ دے ارکان کوں مبارک ڈتی تے توقع دا اظہار کیتا جو ملک اچ صاف شفاف انتخابات کوں یقینی بنڑاونڑ س??نگے نگران حکومت اپنڑیاں ذمے واریاں احسن طریقے نال نبھیسن ۔ ان??اں آکھیا جو کابینہ اچ چنگی شہریت رکھنڑ آلے تجربہ کار لوکاں کوں شامل کیتا گئے جیرھا جو قانون دی حکمرانی دے نال نال قوم دی توقعات تے پورے لہسن ۔صدر آکھیا جو اے امر باعث اطمینان تے باعث ??سر?? اے جمہوریت ڈوجھی واری مدت پوری کیتی اے ۔ ڈاکٹر شمشاد اختر، جنہاں کوںوزارت خزانہ ،اقتصادی امور ڈویژن ، منصوبہ بندی وترقی دا قلمدان ڈتے ونجنڑ دا امکان اے انہاں اے پی پی نال مختصر گال مہاڑ کریندے ہوئیں آکھیا جو معاشی صورت حال کوں مستحکم بنڑاونڑ انہاں دی ترجیح ہوسی ۔ عبداللہ حسین ہارون جنہاں کوں وزارت خارجہ امور دا قلمدان ڈتے ونجنڑ دی توقع اے انہاں آکھیا جو او دفتر خارجہ اچ ابتدائی بریفنگ حاصل کرنڑ تے مشورے دے بعد اگی تے ودھسن ۔ہک سوال دے جواب اچ انہاں آکھیا جو ملک دا تشخص اچا کرنڑ س??نگے انہاں ڈے بہوں سارے آئیڈیاز ہن تاں جو وزیراعظم دی رہنمائی دے تحت اقدامات چاتے ویسن ۔امریکہ نال تعلقات بارے سوال دے جواب اچ انہاں آکھیا جو صدر ڈونلڈ ٹرمپ ہک عمومی طرز دے امریکی صدر کائنی، پاکستان کوں اے ادراک کرنڑ دی ضرورت اے جو انہاں دے نال کہیں طرح رابطے استوار کرنڑیں ہن۔ انہاں آکھیا جو پاکستان کوں ہر ایشو کوں حل کرنڑ س??نگے مضبوط بنیاداں تے متحد اتے ہم آہنگ پالیسی اختیار کرنڑ دی ضرورت اے ۔ بیرسٹر علی ظفر آکھیا جو انہاں دی ترجیح ع??م انتخابات دے منصفانہ ،شفاف اتے آزادانہ انتخابات کوں یقینی بنڑاونڑ س??نگے الیکشن کمیشن آف پاکستان دی معاونت کرنڑیں ہوسی۔ روشن خورشید بروچہ آکھیا جو تریمتیں تے انسانی حقوق دے مسلے انہاں دی خصوصی توجہ دا مرکز رہیے ہن تے او انہاں مسلیں دے حل سانگے اپنڑاں کردار ادا کرنڑ چاہسن ۔
نگران وفاقی کابینہ حلف چا گھدا ،صدر مملکت ممنون حسین 6 نگران وفاقی وزیراں توں انہاں دے عہدے دا حلف گھدا
مضمون کا ماخذ : ایڈونچر کی کتاب
متعلقہ مضامین
