اسلام آباد16دسمبر (اے پي پي) د اطلاعات او خپرونو وفاقي وزير چوهدري فواد حسېن د جسټس (ر) وجيهه الدين په ضد د سپكاوي كولو مقدمه دائرولو اعلان سره وئيلي دي په ميډيا د سپكاوي سلسله بندېدل پكار دي ٬ وزيراعظم چې په كوم كس احسان كړے ھغه د وزيراعظم په ذات حمله كړې، جهانګير ترين د جسټس (ر) وجيهه الدين احمد د تورونو ترديد كړے ، وزيراعظم كله هم په قامي خزانه بوجه نه دےاچولے٬ د وزيراعظم په ذات چې كوم تورونه لګولې شوي په ھغې به كاروائي كوٶ٬ د آئين په آرټيکل 9 عملدرآمد لازمي دے۔ د دې خيالاتو څرګندونه ده د زيارت په ورځ خبري كنفرنس ته خپلې وېنا كښې وكړه ۔ وفاقي وزير ووئيل پاكستان كښې د رائے د اظهار او د ميډيا آزادۍ له ډېرې هڅې شوي٬ د آئين آرټيکل 9 د پاکستان وګړو د عزت نفس محفوظولو بنيادي حق وركوي٬ د بده مرغه په ميډيا په خاص توګه په سوشل ميډيا پرله پسې د دې حق خلاف ورزۍ روانې دي۔ ده ووئيل د هېواد د چيف اېګزېكټو لپاره بې بنسټه او بې محل كمپائن چلېدلے ٬ د ھغوي ذات په نخښه كړے شوے خو چې كله حقائق رامخې ته شول نو تورونه بې بنسټه ثابت شول۔ ده ووئيل جسټس (ر) وجيهه الدين احمد د وزيراعظم په ذات حلمه كړې ٬ د ھغه د تورونو ترديد جهانګير ترين كړے ٬ يو داسې كس چې وزيراعظم عمران خان پرې احسان كړے او د صدر كانديد ئې نامزد كړے٬ د ھغه بيان په ميډيا د تحقيق نه غېر وړاندې كړے شوے۔ وفاقي وزير ووئيل د هېواد چيف اېګزېكټو لپاره د ميډيا خاص اصول او ذمه واري پكار ده ۔ ده ووئيل مونږ د پاکستان ميډيا ډويلپمنټ اتھارټۍ د قانون تجويز ځكه وركړے ٶ چې مونږ دا ګڼل د رائے د اظهار حق سره سره د ذمه وارۍ پورا كولو حق هم پكار دے۔ چوهدري فواد حسېن ووئيل د هېواد د اعلٰې سول افسرانو٬ پوځ او عدليه په ضد كمپائن په سوچ د يو سازشن د لارې پېل كړے شوے٬ ده ووئيل په لويو ټي وي چېنلز بهر هېوادونو كښې جرمانې هم لګي او ھغوي جرمانې ادا كوي هم ٬ خو دلته د ميډيا آزادي يو خاص مقصد لپاره استعمالېږي۔ ده ووئيل د وزيراعظم ذات چې په كوم ډول په نخښه كړے شوے ھغه د غندنې وړ دے۔ ده ووئيل عمران خان ته د پېسو مسئله كله هم نه د رامخې ته شوې٬ پاکستان چې كله ورلډ كپ وګټلو او هند له په هند كښې ماتې وركړې شوه نو ھغه وخت عمران خان د كركټ د لوبډلې كپتان ٶ، ھغه وخت لوبغاړو ته پلاټس هم وركړے شوي وو او عمران خان ھغه پلاټس ځان له د ساتلو په ځاے شوكت خانم ته وقف كړې وو۔ ده ووئيل د وزيراعظم د مياشتني خرڅ پحقله هم په ځينې ټي وي چېنلز غېر ضروري تذكره شوې۔ ده ووئيل وجيهه الدين احمد د غېر ذمه وارۍ مظاهره كړې او بې بنسټه تورونه ئې لګولي ٬ خوجهانګير ترين د دغېترديد كړےاو د يو معزز سړي ثبوت ئې وركړے ٬ ده ووئېل هغه واضح كړې چې دا ډول كوم خرڅونه ما نه دي ادا كړي۔ ده ووئيل د سپريم کورټ او هائي کورټس قاضيانو ته اپېل كوم چې د ادارو عزت بحال ساتلو لپاره اقدامات وكړي٬ وزيراعظم هم يوه اداره ده٬ د ھغوي عزت په ځائ ساتل په قانوني توګه مهم هم دے۔ ده ووئيل چيف جسټس دې په ضلعي او هائي كورړټس كچه خاص بېنچ جوړ كړي چې د دغسې مقدمو سماعت وكړے شي۔ ده ووئيل مونږ د ميډيا تنظيمونو سره په ګډه قانون سازي مخ په وړاندې بوتلل غواړو، مونږ كه سخت قوانين رامخې ته نه كړل نو د فېك نيوز په بنياد به د پاكستان نظام زيات كمزورے شي۔ ده ووئيل د برتانيه او امريكې پشمول د نړۍ په يو هېواد كښې هم تورونه په دا ډول نه خپرېږي٬ د دې تورونو تصديق كول وي٬ د بيان خپرولو نه وړاندې كه جهانګير ترين څخه پوښتنه شوې وه نو دا تور به نه ؤ پاتې شوے ۔ ده ووئيل د يو كس تور د تحقيق نه غېر نشي خپرېدے، دې لپاره به په قانون سازۍ هم خبره كولې شي۔ ده ووئيل مونږ عدليه څخه هم هيله لرو چې ھغوي به د داسې منفي اقدام په ضد سخته كاروائي وكړي
جسټس (ر) وجيهه الدين احمد د وزيراعظم په ذات حمله كړې٬ د ھغه په ضد به د سپكاوي كولو مقدمه كوٶ، د آئين په آرټيکل 9 عمل درآمد ضروريدے۔د اطلعات او خپرونو وفاقي وزير چوهدري فواد حسين
مضمون کا ماخذ : لوٹیریا کا اطلاق
متعلقہ مضامین
