اسلام آباد ۔ 3 دسمبر (اے پی پی) سپیکر قومی اسمبلی اسد قیصر نال وزیر دفاع پرویز خٹک،وزیر مملکت پارلیمانی امور علی محمد خان، ڈپٹی سپیکر قومی اسمبلی قاسم خان سوری، چیف وہپ ملک محمد عامر ڈوگر، قائدایوان سینیٹ شبلی فرازدی ملاقات کیتی جیندے اچ قائمہ کمیٹیاں دی تشکیل اتے قومی اسمبلی دے حوالے نال بئے امور تے گالھ مہاڑ کیتی گئی۔سپیکر قومی اسمبلی اسد قیصر آکھیا جو قانون سازی یقینی بنڑاونڑ کیتے قائمہ کمیٹیاں بنڑاونڑ بہوں ضروری ہین،ایں سانگے اپوزیشن جماعتاں سودھے حکومت نال کئی راونڈ تھی چکین، امید اے جو آونڑ آلے قومی اسمبلی اجلاس اچ قائمہ کمیٹیاں دی تشکیل پوری کر گھنسوں، عوام کوں سوکھ ڈیونڑ کیتے حکومت اتے اپوزیشن کوں ہکے پیج تے ہوونڑاں پوسی، یقین ڈوینداں جو ایوان دی کارروائی اچ حکومت اتے اپوزیشن کوں انہاں دے مینڈیٹ دے مطابق موقع ڈتا ویسی۔
مضمون کا ماخذ : Raging Rhino
