اسلام آباد ۔ 4 اکتوبر (اے پی پی) وزیراعظم عمران خان دے زیر صدارت وفاقی کابینہ دے اجلاس گوادراچ ریفائنری بنڑاونڑ کیتے سعودی عرب نال ایم او یوکرنڑ،سابق وزیر خزانہ اسحاق ڈارولوں تھیاں غیر قانونی تقرریاں تے مختلف اداریاں دے س??بر??ہان کوں برطرف کرنڑ اتے چارے صوبیاں اچ 2467سرکاری املاک استعمال کرنر سانگے ٹاسک فورس بنڑاونڑ دی ??نظوری ڈے ڈتی اے جڈاں جو وزیراعظم ہاو ¿س اچ سینٹر آف ایکسیلینس بنڑاونڑ کیتے وزیر تعلیم شفقت محمود دی س??بر??ہی اچ کمیٹی بنڑاڈتی گئی اے۔ ایویں ہی نیلم جہلم ہائیڈرل ??راجیکٹ ،نیو اسلام آباد انٹرنیشنل ائیر پورٹ اتے سٹیل مل منصوبیاں دا فرانزک آڈٹ تھیسی۔وفاقی وزیر اطلاعات و نشریات چوہدری فواد حسین وفاقی وزیر سرور خان نال کابینہ اجلاس توں بعد میڈیا کوں بریفنگ دیندے ڈسائے جو وفاقی کابینہ اسحق ڈار ولوں بھرتی کیتے گئے چار اداریاں دے س??بر??ہ چیئرمین نیشنل بینک آف پاکستان سعید احمد، فرسٹ وویمن بینک دی طاہرہ رضا ، زرعی ترقیاتی بینک دے سید طلعت حسین ،ایس ایم ای بینک دے احسان الحق ،ریگولیٹری اتھارٹیز اچ ڈپٹی گورنر سٹیٹ بینک جمیل احمد، ڈپٹی گورنر سٹیٹ بینک شمس الرحمان ،خواجہ خلیل ،کمپٹیشن کونسل آف پاکستان اچ محمد سلیم ،شہزاد انصرکو ں فارغ کر ڈتے، اے بھرتیاں غیر قانونی طور تے وفاقی کابینہ دی بجائے اسحاق ڈار کیتن۔انہاں ڈسایا جو وزیراعظم ہاو ¿س اچ یونیورسٹی بنڑاونڑ کیتے وزیر تعلیم شفقت محمود دی س??بر??ہی اچ ہک ٹاسک فورس بنڑائی گئی اے جیندے ارکان اچ وفاقی وزیر ڈاکٹر شیریں مزاری ،وزیراعظم دے مشیر عبدالرزاق داﺅد، ڈاکٹر عشرت حسین اتے چیئرمین ہائیر ایجوکیشن کمیشن ٹاسک فورس شامل ہوسن۔انہاں وزیراعظم ہاو ¿س دیاں وکنڑ آلیاں گاڈیاں اتے منجھی?? دی وی تفصیل ڈسائی۔انہاں ڈسائے جو سینیٹر مشاہد اللہ دے گھر دے تیرہاں بندے پی آئی اے اچ بھرتی کیتے گین،پنجاب بھر اچ سرکاری املاک دے استعمال کیتے پرویز خٹک دی س??بر??ہی اچ کمیٹی بنڑا ڈتی گئی اے۔انہاں آکھیے جو سعودی عرب پاکستان اچ سرمایہ کاری کرنڑ چاہندے،ایں سانگے پاک سعودی تیل معاہدے کیتے کابینہ ایم او یو دی ??نظوری ڈے ڈتی اے،سعودی عرب گوادراچ ریفائنری لاونڑ چاہندے ایں سانگے پاکستان ولوں پی ایس او اتے سعودی عرب ولوں آرامکو معاہدہ تے دستخط کریسن، اتے ایکوں حتمی شکل آندے مہینے تئیں ڈے ڈتی ویسی ایندے تے صوبائی حکومت کوں وی اعتماد اچ گھدا ویسی جڈاں جو وزارت پٹرولیم سعودی عرب کوں ساﺅتھ نارتھ پائپ لائن سودھے تیل و گیس گولنڑ کیتے ڈاہ نویں بلاکس تے وی سرمایہ کاری دی ??یش کش کیتی اے جیندی بولی آندے مہینے تھیسی۔وزیر پٹرولیم آکھیا جو سعودی عرب نال تیل معاہدے تے چین کہیں قسم دے خدشات دا اظہار نئیں کیتا،سعودی عرب اتے چین دی ??اراضگی دے حوالے نال خبراں اچ کوئی حقیقت کائنی۔ غلام سرور خان ڈسایا جو نیلم جہلم ہائیڈرو پاور پراجیکٹ دی ??اگت 80 ارب روپے توں 504 ارب روپے تئیں پجنڑ،اسلام آباد انٹرنیشنل ایئرپورٹ دی 28 ارب روپے دی بجائے 123 ارب روپے اچ تکمیل اچ تھیونڑ آلی کرپشن دا پتا لاونڑ کیتے انہاں منصوبیاں دا فرانزک آڈٹ کرایا ویسی۔
وزیراعظم عمران خان دے زیر صدارت وفاقی کابینہ دا اجلاس؛گوادراچ ریفائنری بنڑاونڑ کیتے سعودی عرب نال ایم او یودی منظوری
مضمون کا ماخذ : ایزٹیک واریر شہزادی
متعلقہ مضامین
