اسلام آباد۔15نومبر(اے پی پی) چیف جسٹس آف پاکستان /چیئرمین نیشنل جوڈیشل آٹومیشن کمیٹی جسٹس یحییٰ آفریدی دی صدارت اچ سپریم کورٹ اچ آن لائن اجلاس تھئے۔ لا ء اینڈ جسٹس کمیشن آف پاکست??ن دے جاری اعلامیہ موجب اجلاس اچ 2 نومبر 2024 کوں لاہوراچ جیلاں اچ اصلاحات دے حوالے نال تھیوݨ آلے اجلاس اچ کیتے ڳئے فیصلیں تے پیشرفت دا جائزہ ڳھدا ڳئے۔لاہور ہائی کورٹ دی چیف جسٹس عالیہ نیلم جسٹس شمس محمود مرزا دے رلے پنجاب دی جیلاں دے انتظامی جج /مانیٹرنگ جج ، سابق جج جسٹس شبر رضا رضوی دے رلے لاہور ہائی کورٹ دی نمائندگی کیتی۔ لاہور ہائی کورٹ، سیکرٹریز ہوم اینڈ ??را??یکیوشن ڈیپارٹمنٹ، پنجاب، انسپکٹر جنرلز آف پولیس اتے محکمہ ??یل خانہ جات پنجاب، آئینی اتے انسانی حقوق دی وکیل آمنہ قادر، سینیٹر احد خان چیمہ اتے خدیجہ شاہ وی اجلاس اچ شرکت کیتی۔چیف جسٹس آف پاکستان جسٹس یحییٰ آفریدی آمنہ قادر کوں ذی??ی کمیٹی ??یل اصلاحات دی کوآرڈینیٹر نامزد کیتا تے ہدایت کیتی جو او احد خان چیمہ اتے خدیجہ شاہ دے رلے کمیٹی دے ٹی او آرز موجب ??یل دا دورہ کرن ۔ پنجاب دی جیلاں اچ فوجداری نظام انصاف دے ٻئے سٹیک ہولڈرز دی مشاورت نال ھک جامع رپورٹ تیار کیتی ونڄے۔ انھاں زور ݙتے جو سارے سٹیک ہولڈرز بشمول لاہور ہائی کورٹ، لاء اینڈ جسٹس کمیشن آف پاکستان، پولیس اتے ??یل خانہ جات دے محکمے ذی??ی کمیٹی کوں سہولت ݙیسن ۔ انھاں متعلقہ اداریں کوں وی آکھئے جو او فوجداری نظام انصاف اچ بہتری دے حوالے نال آپݨی صلاح تے سفارشات پیش کرن۔چیف جسٹس ہدایت کیتی مکمل تھیوݨ دے بعد مذکورہ رپورٹ جسٹس شبر رضا رضوی نال شیئر کیتی ونڄے جیں کوں کمیٹی دے آندے اجلاس اچ پیش کیتا ویسی ۔چیف جسٹس لا اینڈ جسٹس کمیشن آف پاکستان کوں ذی??ی کمیٹی دے ارکان کوں مکمل لاجسٹک سپورٹ ݙیوݨ دی ہدایت کیتی۔
